Berkat kam ndube nande karo
Berkat kena ngepari lawitna simbelang
Ula sangsiken mama gintingndu
Tetap setia kutimai asa kam mulih
Ja pagi musim ateta tedeh
Tupung tunduh pagi kita jumpa bas nipi
Ula kel turang mata teriluh
Adi nggo jodoh jumpa kang kita mulihi
Merdang merdem kutanta
Pusuhku seh kal lungenna
Je min ndai nde karo ndai nina ukurku
Aron singuda-nguda krina anak perana
Mehamat pengodakna erlayas perlandekna
Ndigan nge turang si kena mulih
Nggo telu kali kerja tahun i kutanta
Tedehku enggo tertindih tindih
Ibas pusuhku kena nge maka malemna
Mulih kam nande karo mulihlah
Begiken mama ginting ertenah
O . o . o nande karo tedehna
O . o . o bas pusuhku lungenna
Cipt : Junaedi Sinuhaji
Post a Comment