Kuakap Rimo Kepeken Kentang
Kusuan lada siturah page
Kuakap idu kepeken utang
Suan ate ngena turah ate ndele
Tengguli ku bere bandu
Engkai pegu bandu man aku
Mehuli ukurku bandu
Tapi lakuarap erbuluh ukurndu
Manis rananndu terbelas ibas biber
Tapi pagit ndube ibas ukur
La ndube ndobah bagi natap deleng
melinang ndauh nari merutu adi diheri
Enggo Salah piling mama ginting e
Tuhu lakuarap batang taruk banci buahna jambe
Bunga ndap-ndap i tengah sabah
kuakap sangap kepeken liah
Kuakap kelto kepe kayang-kayang
Kuakap ralo kepeken lahang
Cipt : Agus Ginting
Post a Comment