Lesap menda dungna , Lasam la lit ertina
Pas bagi tartaren, buah serambat nina ndube
Lesap la erbekas, Kekelengenku man bandu la riba-riba
Ndaram-ndarami, nanam bedakel kepe ngenca
Bage perende-rende perumah kotak nina ndube
Ku toto ateku ndele, ate mesui nge ngenca radum ken kena
Kenca enggo itehndu, ateku ngena la teralang
I belin-belin kendu rusur tempa atendu lahang
Tampil-tampil nge aku, perban kelengku nge ngenca
Urak-urakpen bandu ibas ulih ate ngena
Man bandu nande karoku, man bandu oh bere biringna
Taruk tandang ngayaki buluh lupa erbuah
Dagingku kertang, ngukuri lagundu lalap la robah
Sarniuruk tambah kokongna tambah cedana
Uga gia ningku, Terlanjur mbagas ateku ngena
Cipt : Jova Elke Tarigan
Post a Comment